Namvazhvu

புனித வின்சென்ட் தே பவுல் பிரான்ஸில் 1581, ஏப்ரல் 24ஆம் நாள் பிறந்தார். விசுவாசத்தில் வளர்ந்து செபத்தை உயிர் மூச்சாக்கினார். இறையன்பிலும், பிறரன்பிலும், இறைபயத்திலும், ஞானத்திலும் வளர்ந்து 1600, செப்டம்பர் 20 ஆம் நாள் குருவானார். இயேசுவின் பாதையில் நடந்து சேரிகளிலும், ஒதுக்குப்புறங்களிலும் நற்செய்தி அறிவித்தார். மாணவர்களுக்கு மறைக்கல்வி கற்பித்தார். அனைவரிலும் இறைவனின் முகம் கண்டார். நோயாளிகளுக்கு இலவச மருத்துவம் செய்தார். ஆதரவற்றோருக்கு அடைக்கலமும், கைம்பெண்களுக்கு ஆதரவும் நல்கினார். உண்மைக்கும், நன்மைக்கும், பாசத்திற்கும், பகிர்விற்கும் எடுத்துக்காட்டானார். இறைபிரசன்னம்  வறண்ட  இதயங்களில்  அருட்சாதனங்கள் வழி இறையருளை நிரப்பினார். 1625  இல் நற்செய்தி அறிவிப்புக் குழுவை ஏற்படுத்தினார். 1633 இல் ஏழைகளின் பணியாளர்கள் சபையை நிறுவினார். 1660, செப்டம்பர் 27ஆம் நாள் இறந்தார்.