“இந்த உலகத்தின் காரியங்கள், சீசருக்குச் சொந்தமானது என்றாலும், இவ்வுலகமும்-மனிதரும் கடவுளுக்குச் சொந்தமானவர்கள் என்பதை நாம் மறந்துவிடக்கூடாது.”

- அக்டோபர் 22, ஞாயிறு மூவேளை செபவுரை

“நாணயத்தில் பேரரசரின் உருவம் பொறிக்கப்பட்டிருந்தாலும், நினைவில் கொள்ள வேண்டிய முக்கியக் காரியம் என்னவென்றால், நம் வாழ்வில் கடவுளின் உருவம் பதிக்கப்பட்டுள்ளது என்பதுதான். இதை நம்மில் யாராலும் மறைக்க முடியாது.”

- அக்டோபர் 22, ஞாயிறு மறையுரை

“நமது சாயல் மற்றும் இலக்காக இருக்கும் இயேசு கிறிஸ்துவின் மீது நமது பார்வையைத் திருப்ப, அன்னை மரியா செபமாலை மாதத்தில் நம்மை ஊக்கப்படுத்துகின்றார்.”

- அக்டோபர் 22, திருத்தந்தையின் ‘டுவிட்டர்’ குறுஞ்செய்தி

“நற்செய்தியின் வற்றாத புதுமைத் தன்மை என்பது, அதன் தெய்வீக, கருணை நிறை மற்றும் பெருமிகுதியான அன்பே. இந்த நற்செய்தியின் அன்பு, புனிதர்களைப்போல் அதே வழியில், அதாவது, வார்த்தைகளால் அல்ல, வாழ்க்கையால் இறைவனைக் காட்ட நமக்கு அழைப்பு விடுக்கிறது.”

- அக்டோபர் 21, உரோம் பத்திரிகையாளர்களுக்கான செய்தி

“இயேசுவை அதிகமாக அன்பு செய்யும் மக்கள், இயேசு நமது அதிகாரியல்ல; மாறாக, நம்மைக் கடவுளோடு இணைக்கும் இணைப்பாளர் என்பதனை அருள்பணியாளர்களுக்கு உணர்த்துகின்றனர்.  இப்படிப்பட்ட பொது நிலையினரை நம் அருகில் வைத்துக் கொண்டு செயல்பட வேண்டும்.” 

- அக்டோபர் 20, புதன் மறைக்கல்வியுரை

“அன்பான இளைஞர்களே, இயேசுவை உங்கள் இதயத்தின் மையப்பகுதியில் வையுங்கள், அப்போதுதான் அவருடன் தீவிரமான உறவு கொண்டு வாழவும், அறிந்து கொள்ளவும், இந்த உலகத்தில் அவருக்குச் சாட்சியம் அளிக்கவும் முடியும்.”

- அக்டோபர் 19, இத்தாலிய இளைஞர்களுக்கான உரை