புனித முர்டாக் 5 ஆம் நூற்றாண்டு அரச பாரம்பரியத்தில் பிறந்தார். வசதியும், செல்வாக்கும் பெற்று செல்வச் செழிப்பில் வளர்ந்து, சமூகத்தில் மதிப்பும், மரியாதையும் பெற்றிருந்தார். புனித கொழும்பாவின் தூய வாழ்வை பார்த்து, அவரைப்போல இறைவனுக்கு தன்னை அர்ப்பணித்து, துறவியானார். இறைவனோடு இரண்டறக் கலந்து, சமூகத்தின் மீது அக்கறை கொண்டார். புனித பேட்ரிக் அவர்களைச் சந்தித்து, தனது இறையனுபவங்களையும், ஆன்மீக வாழ்வின் தடைகளையும், சமூகப்பணிகளையும் பகிர்ந்துக்கொண்டார். இறையனுபவம் மிகுந்த முர்டாக், அயர்லாந்தில் கில்லல்லா மறைமாவட்டத்தின் ஆயரானார். மக்களின் தேவைகளை உணர்ந்து, சில காலம் பணி செய்தபின் இன்சுமர்ரே தீவில் இறைவனோடு இரண்டறக் கலந்து, செபம், தவம் மேற்கொண்டு உத்தமத் துறவியாக இறந்தார்.