புனித சியோல்ஃபிரித் 642 ஆம் ஆண்டு பிறந்தார். பக்தியும் நம்பிக்கையும் மிகுந்து வளர்ந்தார். புனித ஆசீர்வாதப்பர் துறவு இல்லம் சேர்ந்து துறவு மேற்கொண்டார். நவதுறவிகளுக்கு முன்மாதிரியாக வாழ்ந்து வழிகாட்டினார். 27ஆம் வயதில் ஆயரானார். தூய ஆவியின் அருள்வரங்களால் விசுவாச வாழ்வில் முன்னேறினார். தாழ்ச்சியும் புரிதலும் விட்டுக்கொடுக்கும் குணம் பெற்று அனைவரோடும் நட்புடன் பழகினார். நார்த்தம்பிரியாவில் பிளேக் நோய் பரவியபோது மக்களுக்கு மருத்துவம் செய்தார். இறைவார்த்தையை பறைசாற்றி மக்களின் அச்சங்களை அகற்றினார். நம்பிக்கை இல்லா மக்களுக்கு நம்பிக்கையை அமுதாய் ஊட்டினார். இறையாற்றலால் வழிநடத்தப்பட்டு இறைபணி செய்தார்.  புனித ஜெரோம் மொழிபெயர்த்த வுல்கத்தா எனப்படும் மறைநூல் பிரதியை திருத்தந்தை முதலாம் கிரகோரிக்கு கொடுக்க உரோம் செல்லுகையில் 716 இல் செப்டம்பர் 29ஆம் நாள் இறந்தார்.